எனக்காகப் பிறந்தவள்

விழியத்தைக் காண - https://www.youtube.com/watch?v=I8c_CJBBwtA

எனக்காகப் பிறந்தவளே

என் மனதில் நிறைந்தவளே

உனக்காக நானிருப்பேன்

உன்னுள்ளே நிறைந்திருப்பேன்

ஆண்குழந்தை நமக்கில்லை

ஆனாலும் குறைவில்லை

எனையுன் பிள்ளையென

ஏற்றுக்கொண்ட என்னுயிரே

எனக்குத்தான் பசியென்றால்

துடித்தே தான் சமைக்கின்றாய்

கொஞ்சமெனக்குக் காய்ச்சலென்றால்

நெஞ்சந்தான் பதறுகின்றாய்

சண்டை போட்டுத் திட்டினாலும்

சமாதானம் செய்வதற்கு

முதலில் வந்து நானழுவேன்

பிறகுனையே சிரிக்க வைப்பேன்

இன்றுனக்குப் பிறந்தநாள்

எனக்கின்று சிறந்த நாள்

மனையாளே இனியவளே

வாழ்த்துகிறேன் வாழ்த்துகிறேன்