30-08-2011 செவ்வாய் இரவு 11.30 க்கு எழுதிய கவிதை இது. விநாயகர் சதுர்த்தி என்றவுடன் நம் நினைவுக்கு வருபவர்கள் விநாயகரும் யானையும்.
யானை பார்! யானை பார்!!
அம்பாரி யானை பார்!
அழகான யானை பார்!
அசைந்துவரும் யானை பார்!
முறம்போன்ற காது பார்!
தலையைக்கொஞ்சம் ஆட்டும் பார்!
தந்தம் கொண்ட யானை பார்!
கோயிலுக்கு போகும் பார்!
ஆசி கூறும் யானை பார்!
தூண்போன்ற காலைப் பார்!
தும்பிக்கையை நம்பிக்கையாய்
துணையாகக் கொள்ளும் பார்!
தேர்போல அசையும் பார்!
ஊர்கோலம் போகும் பார்!
பிளிறுகின்ற யானை பார்!
களிறு என்னும் செல்லப்பேர்!
தம்பிப்பாப்பா தங்கச்சிப்பாப்பா
நீயுந்தான் ஆடிவா!
வேகமாக ஓடிவா!!
யானைமாமா வந்தாச்சு!
கைதட்டி இரசிக்கலாம்!
விசிலடிச்சு குதிக்கலாம்!!
No comments:
Post a Comment